რჩევები თბილისი ენერჯისგან

თბილისი ენერჯის ყველა თანამშრომელს აცვია უნიფორმა. შიდა ქსელის უსაფრთხოების შესამოწმებლად, სახლში შეშვებამდე, ის ვალდებულია იდენტიფიცირებისთვის წარმოადგინოს კომპანიის ბეიჯი. მისი ვინაობის და გამოცდილების შესახებ ინფორმაციის გადამოწმება ასევე შეგიძლიათ „თბილისი ენერჯის“ ვებგვერდზე www.te.ge , სპეციალურ ველში სახელის და გვარის შეყვანის შემდეგ.

იდენტიფიცირება

გათბობის ჩართვამდე, აუცილებლად შეამოწმეთ რადიატორები, სადაც ხშირად გროვდება ჰაერი. ამ დროს რადიატორი არ თბება სათანადოდ, შესაბამისად გათბობის ქვაბიც მეტი დატვირთვით მუშაობს, ეს კი თვის ბოლოს მეტ გადასახადს ნიშნავს. რადიატორების ჰაერისგან დაცლა შესაძლებელია მარტივად. ამისთვის რადიატორზე არსებული ონკანი უნდა გახსნათ და როგორც კი წყალი დაიწყებს დენას გადაკეტოთ.

როცა რადიატორი არ თბება

ვიდრე ბინას ან ოფის იყიდით, იქირავებთ ან იგირავებთ, აუცილებლად მოითხოვეეთ ბუნებრივი გაზის შიდა ქსელის შემოწმება. არ გადახვიდეთ საცხოვრებელ სახლში ვიდრე არ დარწმუნდებით რომ თქვენი უსაფრთხოება დაცულია. ხშირად ბინის მეპატრონეები ეკონომიის მიზნით გასაქირავებელ ფართებში , იაფფასიან და საშიშ ღია კამერიან გაზის დანადგარებს ამონტაჟებენ, რაც ძალიან სახიფათოა. CO-თი (ცეო) მოწამვლისა თუ სიკვდილის 70% სამწუხაროდ დაქირავებულ და დაგირავებულ ბინებში ხდება. ნუ შეუქმნით საფრთხეს საკუთარ და ირგვლივ მყოფების სიცოცხლეს. დარეკეთ 114-ზე.

როგორ მოვიქცეთ ბინის დაქირავებამდე

CO-თი (ცეო) მოწავლის და გარდაცვალების 70% სწორედ გაქირავებულ და დაგირავებულ ბინებში ხდება. გასაქირავებელი ბინის მეპატრონეეები აკრძალულ და საშიშ ღია კამერიან გამათბობლებს და წყლის გამაცხელებლებს ამონტაჟებენ, რაც ოთახში CO-ს (ცეოს) გამოყოფს. ეს კი ძალიან სახიფათოა. გახსოვდეთ CO (ცეო) კლავს.

moiTxoveT--gazze-momushave-usafrTxo-danadgarebi-

მოითხოვეთ გაზზე მომუშავე უსაფრთხო დანადგარები

ხშირია შემთხვევა, როცა ბინაში გაზი ჟონავს. ეს კი დიდ საფრთხეს უქმნის კორპუს და ადამიანებს. ამ დროს ბინა დაკეტილია, ხოლო მეპატრონე რამდენიმე დღით გასულია ქალაქიდან. სპეციალისტებისთვის ეს დიდი პრობლემაა, რადგან თითოეული წუთი ძალიან მნიშვნელოვანია. თუ ქალაქიდან გადიხართ, აუცილებლად გადაკეტეთ გაზის ცენტრალური ონკანი, რომელიც ხშირად აივანზეა დამონტაჟებული.

qalaqidan-gasvlamde-gadaketeT-gazis-centraluri-onk

ქალაქიდან გასვლამდე, გადაკეტეთ გაზის ცენტრალური ონკანი

სახლიდან გასვლამდე, აუცილებლად შეამოწმეთ გაზის დანადგარები, გადაკეტეთ გაზის ონკანი, რადგან უყურადღებოდ დატოვებული დანადგარები იწვევს აფეთქებებს, რასაც ადამიანების სიცოცხლე და ჯანმრთელობა ეწირება.

saxlidan-gasvlamde-sheamowmeT-gazis-danadgarebi

სახლიდან გასვლამდე შეამოწმეთ გაზის დანადგარები

მნიშვნელოვანია იცოდეთ , რომ არ შეიძლება გათიშული გაზის თვითნებური ჩართვა, გაზზე მომუშავე დანადგარების თვითნებური მონტაჟი. ეს საქმე აუცილებლად უნდა გაააკეთოს გაზის სპეციალისტმა, რადგან არასწორ მონტაჟს შესაძლოა მოყვეს გაჟონვა, აფეთქება. ნუ შეუქმნით საფრთხეს თქვენი ოჯახის და მეზობლების სიცოცხლეს.

თვითნებური მონტაჟი სახიფათოა

რემონტის დროს, ყურადღება მიაქციეთ ხელოსნებს. ისინი ხშირად აზიანებენ გაზის შიდა ქსელს, ან გადაადგილებენ გაზქურას და გაზზე მომუშავე სხვა დანადგარებს, საიდანაც გამოძრობილ რეზინის მილს ღია მდგომარეობაში ტოვებენ და ჟონავს გაზი. ეს კი აფეთქების საფრთხეს ქმნის.

როგორ მოვიქცეთ რემონტის დროს

თუ ბინაში არ ცხოვრობთ და დაკეტილია, უნდა დარეკოთ კომპანიის ცხელ ხაზზე 2 404004 და მოითხოვოთ გაზის მიწოდების დროებითი შეწყვეტა, რადგან ძალიან ხშირია შემთხვევები რომ ბინაში გაზქურის რეზინის მილი თაგვმა გადაღრღნა და გაზმა გაჟონა. ეს კი გაზის აფეთქების საშიშროებას ქმნის. თქვენი ოჯახის და მეზობლების უსაფრთხოებისთვის იყავით ყურადღბით და აუცილებლად დარეკეთ კომპანიის ცხელ ხაზზე 2404004

droebiT-daketil-binashi-aucilebelia-gazis-droebiTi-

დროებით დაკეტილ ბინაში აუცილებელია გაზის დროებითი გათიშვა

არასდროს დატოვოთ უყურადღებოდ გაზქურა საჭმლის მომზადების , ან მაგალითად ყავის მოდუღების დროს, რადგან გადმოსულმა წყალმა შეიძლება გაზი ჩააქროს. ამ დროს ბინაში გაზი გროვდება. ეს კი დიდი რისკია აფეთქების. ამიტომ ამ წესის დაცვა აუცილებელია თქვენი ოჯახის და მეზობლების უსაფრთხოებისთვის.

ar-datovoT-uyuradrebod--gazis-charTuli-danadgarebi-

არ დატოვოთ უყურადრებოდ გაზის ჩართული დანადგარები

ხშირად, განსაკუთრებით ზამთარში, გიჩნდებათ შკითხვები- რატომ მიიღეთ ბუნებრივი გაზის მაღალი გადასახადი. ამის რამდენიმე მიზეზია-გაზი რომ ეკონომიურად მოიხმაროთ, აუცილებელია საცხოვრებელი ფართის ან ოფისის თბოიზოლაცია , მეტალოპალასმასის ან ზოგადად კარგი ფანჯრები . ამის საუკეთესო საშუალებააა. თუ ოთახის ფანჯრებიდან , ღრიჭოებიდან შემოდის ქარი, ეს ავტომატურად ნიშნავს, რომ ცენტრალური გათბობა მეტ გაზს წვავს. მეტი გადასახადიც სწორედ ამიტომ მოგდით.

rogor-moviqceT-rom-bunebrivi-gazis-naklebi-gadasax

როგორ მოვიქცეთ რომ ბუნებრივი გაზის ნაკლები გადასახადი მივიღოთ

ზამთრის სეზონის დაწყებამდე ვიდრე ცენტრალურ გათბობას ან გამათბობელს ჩართავთ, აუცილებელია შეამოწმოთ რამდენად გამართულად და უსაფრთხოთ მუშაობს გაზზე მომუშავე დანადგარები. ეს მომსახურება უფასოა „ თბილისი ენერჯის“ აბონენტებისთვის. დარეკეთ ცხეელ ხაზზე 2404004 . ზამთრის სეზონის გასვლის შემდეგ კი აუცილებელია გამორთოთ გაზზე მომუშავე დანადგარები გაზის ონკანიდან. ეს მნიშვნელოვანია თქვენი ოჯახის და მეზობლების უსაფრთხოებისთვის.