კომპანია „თბილისი ენერჯი“ აბონენტების საცხოვრებელი ფართების, გაზგაყვანილობისა და კუსტარულად დამონტაჟებული გაზდანადგარების შემოწმებას ინტენსიურად განაგრძობს.
კომპანიის სპეციალისტებმა გასულ, დეკემბრის თვეში თბილისში, საცხოვრებელ ბინებში სულ 4146 კუსტარულად ან დარღვევით დამონტაჟებული და სიცოცხლისთვის სახიფათო გაზის დანადგარი ჩაჭრეს.
აღსანიშნავია, რომ ბინის მეპატრონეთა უმეტესობა ერთხელ უკვე გაფრთხილებული და ინფორმირებული იყო მოსალოდნელ საფრთხეებზე,გაზის დანადგარები კი ჩასნილი. თუმცა პირველ ჯერზე მათ ეს გაფრთხილება არ გაითვალისწინეს და ქსელზე წყალგამაცხელებლები და გამათბობელები თვითნებურად მიაერთეს.
კომპანია კიდევ ერთხელ გაფრთხილებთ - კუსტარულად და თვითნებურად მიერთებული, გასაკუთრებით კი ღია კამერიანი გაზის დანადგარები საშიშია, როგორც თქვენი ოჯახის წევრებისთვის, ასევე თქვენს მეზობლად მცხოვრები სხვა ადამიანებისთვისაც.
კომპანია მადლობას უხდის იმ აბონენტებს, რომლებმაც გაითვალისწინეს სპეციალისტების რჩევები, შეცვალეს ან მოაწესრიგეს შიდა გაყვანილობა და გაზდანადგარები.
მადლობა კომპანიის სპეციალისტებსა და თანამშრომლებს რომელებისც თავდაუზოგავად შრომობენ, რათა ყველა აბონენტი დაარწმუნონ უსაფრთხოების ნორმების აუცილებლობაში.
გთავაზობთ 2019 წლის დეკემბრის თვეში თბილისში, სიცოცხლისთვის სახიფათო დანადგარების ჩაჭრის სტატისტიკას უბნების მიხედვით.
სამგორი 816
სანზონა 520
ისანი ვაზისუბანი 505
გლდანი 465
დიდუბე 347
ნაძალადევი 339
კრწანისი 245
მთაწმინდა 239
ნუცუბიძე 187
დიღომი 186
ჩუღურეთი 156
საბურთალო 91
ვაკე 46
სყნეთი 4
სულ 4146
2024 - ყველა უფლება დაცულია
